一個中年IT男@香港,得閒就寫下無聊嘢啦~

RSS訂閱

Translate this page

搜尋文章

精選文章

越南富國島遊記 2023 - Day 6 & 7 & 8 - 富國夜市 / 越南國粹村 / 富國大世界

Day 6 第三天吃「 KIẾN–XÂY 」的蝦滑魷魚湯米。 今天是旅程倒數第二天,原本計劃是去那個很出名的「 海星沙灘 」或者「 Sao Beach 」(又名白沙灘和牛奶沙灘) 但這兩個地方很偏僻,海星沙灘是在島的北方,車程一小時,而且幸好爬過文,雨季是沒有海星的,...

EEEPC 901黑色Linux版入手



諗左個幾月,一直都考慮呢幾部
  1. Asus eeepc 900 / 901 / 904HD
  2. 神州Hasee 果幾部$1999-$3000既Notebook同Netbook
  3. Acer 果部Aspire (型號唔記得,不過今日見到$2600,但係得8GB SSD)
  4. Everex Cloudbook
  5. HP MiniNotes 2131 OU學生價$3864
  6. HP 540 OU學生價$3864
  7. Omatek C8 / E10
最後綜合晒所有Spec,用電量,速度和價錢都係EEEPC901最好。
其實見到有o的神州Hasee & LG Notebook 4千幾,都心思思,好多人應該都同我一樣,睇睇下Netbook,又變左會諗下Notebook。
但係如果買Notebook,個原意-輕便就冇左。
都係覺得,EEEPC 901最平均,最重要可以用到6,7個鐘同埋CPU係行Intel Atom,部機冇咁熱~
但係我買果部機冇Zif位,不過冇所謂,都預左冇~

最後去左高登睇,全部都係賣$33xx,有o的話送Mouse,但係見有人話國美俾Cash可以$3150,跟住去左國美,點知佢話得返Windows版本,咁唯有去旺電睇,問左一間都係冇貨,去Jumbo問,條友話要上倉拎貨,咪搞我,點知等你幾耐? 最後起另一間叫Sky-One Computer俾Cash HKD$3300就買左lu~~

順便補多條Link
Howto: Install XP w/o CD-ROM (clean and easy)
http://forum.eeeuser.com/viewtopic.php?id=1888&p=1
Install Windows XP on the Asus Eee PC
http://www.eeeguides.com/2007/11/installing-windows-xp-from-usb-thumb.html

OUHK o的教材太嚇人吧...


琴日去左觀塘果個教材派發中心拎兩科既課本,Notes,CD-Rom之類既教材,兩份o野加埋10磅重,起35度高溫既下午時間,仲要起觀塘工廠區,拎住10磅o野起條街行真係熱到人都傻~
不過終於都明白點解個個人都話OU"易入難出" , 我拆開睇,真係幾嚇人~
大家就一齊o黎睇下未來6個月我要讀既o野。

首先睇下呢兩疊o野,左邊係M359 (Relational Databases: Theory & Practice ), 右邊係U234 (Web Site Design)
左邊明顯厚好多,因為一拆開....有5本書,同一份CD-ROM....仲要係有幾本都幾厚,如果兩科全部疊埋一齊,仲厚過我部XBox360 , 但係就已經知道原來係學Sybase,竟然唔係原先估計既Oracle或者PostgreSQL。



再來就係U234,相比下反而就少好多o野,Total有幾個Unit,不過出奇既係,佢竟然會講到Web 2.0,仲有講到eBay,Digg, MySpace同del.icio.us,估唔到課程又幾update。
不過佢其實都唔係單純講HTML/CSS/JS,反而Web Server Config,Web Programming佔成50%,我見到ASP,但係似乎見唔到ASP.NET/PHP/JSP。



另外仲有一大疊o野,都仲未得閒睇~


不過略略了解過自己要讀乜後,我都係決定買部$3000-$4000既Notebook,因為好多o野要install,個Sybase,VPN,什麼Web Server咁。
到下學期讀兩科Java,肯定就要install JDK (Java SE Development Kit) , Apache , Tomcat 等等....
都係買部Notebook好o的...唔想搞亂屋企部機嘛...

不過6個月讀晒真係幾甘...就算自己工作做開,自問我都覺得幾辛苦,我諗緊如果真係由HD/Asso上OU,平時唔係做開既,都應該真係幾吃力~

新工返左兩日就冇做lu


第一日返工,佢俾左部P4 3G,256MB Ram既機俾我...
其中32mb仲要share埋去俾VGA用。

部機之前有6,7個人用過,XP o的Profile都仲起度,Program Files又有Yahoo Game又有什麼GameZone咁....
部機慢到嘔,仲要14吋CRT Mon,睇到我呀,Ram,最多我自己磅水買,雖然都已經唔應該。

但係14吋Mon,起呢個世代o黎講,真係唔好話19吋,17都好o的o瓜,正所謂巧婦難為無米炊。

實際工作同我interview時好似兩回事,6個半Complete既VB6 Projects。(但係依然要build-up)...
仲有一壇ASP.NET 1.1既BackOffice App,做緊果個佢話11月中就會走,我問佢當初要幾耐時間pick up所有o野,佢話半年。
我再問佢,佢resign後,有冇其他人可以問,佢話冇。
得我一個,佢果度亦一直都係得一個Programmer,冇任何Project Manager或IT Support可言。

第一日返工,俾部咁既機我...仲要聽到o的咁既o野真係灰晒,換句話說我可能至少半年內俾個program牽著走,最唔想係日後有人問我咁咁咁得唔得,真係答唔到,呢樣係做P仔最難過。

因為起外行人眼中,會覺得問你乜都答唔到=你冇料到...

當初見工仲話想叫我全部VB6 既Project升級去C#,我仲諗緊佢有咁既打算,應該都唔會太大壇o野喇....
點知原來佢係預幾個月時間轉6個已經develop左10年既program。
基本上已經冇可能重寫轉VB.NET/C#,換句話說我要一直寫VB6,再灰多一層.....

其實我要做埋IT Support,整埋電腦,Server,Database唔緊要,整電腦呢o的low tech o野,有幾咁閒,一向都半買半送架喇。

平均一個app有幾十個Module,不同既Class,幾十個Winforms,撈到好亂,Compile之後單一exe都40mb....
我生平真係好少見到有一個Project Compile Exe後去到咁大,有幾多Code抄埋一碟,可想而知。

Program都係一般RecordSet運作,但係問題起個Work Load度。
執蘇州屎呢樣野,真係要實際做落至知幾咁難搞。

Account Manager同HR Manager都問我點解,但係正所謂外行人唔知內行o野。
有o的野好難講得明,但係我就講左全公司既Program,以一代傳一代係好危險(其實係一個人傳一個人)

一斷左尾,就好難有人跟到,可能佢當我發up風,不過唔聽都冇所謂...
的確係好唔好意思,但係冇法,我唔想做死自己,今日第二日返工,用左一日時間認真睇晒 6個project / 1個ASP.NET / 3個DB,就下左咁既決定。

自問就向來唔充大頭鬼,有o的野自己係唔掂就唔掂,唔想做就唔想做,無謂勉強喇。

生來第一次做一份工過唔到試用期,亦估唔到自己會講得出口...(其實真係好尷尬...)
佢都問我: (你兩日就肯定自己唔岩做呢份工?)
我都幾肯定,成套System,有時咩叫好,咩叫唔好,點會分唔出丫。

可能人大左,唔似後生果時死磨爛磨.....
我自己都27,28,時間唔多,無謂在意 "要有份工起身至係男人" 或 "唔想掛住失業兩個字" ,而去捱驢仔。
兩日就即刻resign,對大家都好,而家都叫未到10月,我可以再搵工,佢另一個Programmer 11月唔做,佢都可以早o的請人。
如果我做到11月至話唔做,另一個又唔做,仲一鑊玩死,到時人去留空。

雖然肯定有人覺得我傻,明明有工都唔去做,但係我睇長線,雖然我如果過得一日得一日,個個月萬五六七銀落袋係幾好,但係冇乜意思....
可能我就係一個很了解自己,很忠於自己的一個人。

【強積金凍過水】打工仔每人唔見兩萬


大家快加入Facebook反MPF Group :
http://www.new.facebook.com/group.php?gid=5135934718

我仲揀左80%進取,什麼亞洲基金tim~
本來強積金就話用o黎養老,而家物價係咁升,MPFo的錢又俾班Fund佬亂咁Fing。
真係諗諗下想行遍門拎返o的錢。
講真,其實正常到左30幾歲,強積金應該都有20萬到,俾人拎返出o黎供樓俾首期好過喇,到左60歲時,咩世界邊有人知,好似我咁,個個月都扣左幾6,7百銀,幾慘呀~
o的人成日話有遠見,但我儲$100都希望可以至少拎返$100,而家拎返$85,政府等同迫人去賭錢。
咁我不如自己去投資唔好?輸,起碼都係自己,心甘情願。而家係俾錢o的基金公司代我去賭o波。

太陽報17/09/2008 - 強積金只得四月份錄得正回報 強積金大蒸發保本為上

強積金凍過水打工仔每人唔見兩萬
節錄 東方日報 17/09/2008

金 融 海 嘯 席 捲 全 球 , 本 港 市 民 不 但 手 上 股 票 基 金 損 手 , 八 年 前 政 府 要 求 市 民 月 月 供款 的 強 制 性 公 積 金 更 加 凍 過 水 , 單 是 今 次 雷 曼 兄 弟 爆 煲 事 件 , 估 計 最 少 令 強 積 金 總資 產 值 再 蒸 發 二 百 五 十 億 港 元 , 每 名 打 工 仔 會 因 此 再 損 失 萬 餘 元 , 連 同 今 年 頭 八 個 月 每 名 打 工 仔 平 均 已 蒸 發 了 萬 餘 元 供 款 , 即 平 均 每 人 會 出 現 兩 萬 多 元 的 虧 損 。 有 打 工 仔 不 敢 怠 慢 , 昨 日 紛 紛 將 強 積 金 供 款 轉 為 「 保 本 基 金 」 保 命 。

今 年 首 八 月 蝕 足 七 個 月
一 間 基 金 研 究 機 構 的 資 料 顯 示 , 今 年 首 八 個 月 , 強 積 金 只 得 四 月 份 錄 得 正 回 報 , 其 餘 各 個 月 均 錄 得 虧 損 , 其 中 一 月 份 更 急 跌 百 分 之 六 點 一 七 , 成 為 強 積 金 自 二 ○ ○ ○ 年 成 立 以 來 , 最 大 的單 月 跌 幅 , 而 今 年 上 半 年 累 計 錄 得 的 跌 幅 便 已 達 百 分 之 九 點 二 九 , 平 均 每 人 損 失 已 逾 一 萬 元 。 直 至 八 月 份 , 強 積 金 再 跌 百 分 之 二 點 七 , 以 人 均 計 , 每 名 打 工 仔 的 強 積 金 戶 口 , 再 蒸 發 多 二 千 七 百 多 元 。 由 於 當 前 股 市 及 債 券 雙 雙 下 挫 , 強 積 金 在 本 年 度 的 回 報 , 恐 會 是 成 立 以 來 最 差 的一 年 。 截 至 六 月 底 , 全 港 強 積 金 總 資 產 達 到 近 二 千 五 百 億 元 , 若 全 港 合 共 二 百 四 十二 萬 名 供 款 成 員 計 , 平 均 每 人 的 戶 口 有 約 十 萬 元 。

延 遲 注 資 錯 失 執 平 貨 良 機
港 人 的 強 積 金 戶 口 大 幅 虧 損 , 聲 稱 向 市 民 派 錢 的 港 府 ,
卻 要 遲 至 明 年 三 月 , 才 會 陸 續 向 一 百 七 十 萬 月 入 一 萬 元 或 以 下 的 合 資 格 人 士 , 注 入 六 千 元 到 強 積 金 戶 口 , 遠 水 不 能 救 近 火 下 ,惹 來 市 民 狠 批 。

雷曼兄弟申請破產/美林被收購 IFC跳樓貼圖區


貼下搞笑IFC跳樓圖片



龍尾起後面, 唔好急


有 市 民 急 不 及 待 把 家 中 外 牆 拆 掉 企 圖 跳 下


市 民 排 隊 之 餘 亦 不 忘 查 詢 股 價


新晉會考神童簡文峰(右)及其父親到現場向殉難者表示敬意



在 IFC 門 前 等 待 的 市 民 開 始 鼓 噪


開大d個窗簾睇人跳樓先


警 察 正 在 疏 導 擁 至 ifc 的 人 群。


家好月圓拍攝途中, 米雪及陳豪中途得悉IFC情況, 一臉茫然


鄰 近 地 鐵 站 亦 擠 得 水 洩 不 通


霸 定 靚 位 等 食 花 生 的 市 民 , 也 為 這 紀 念 性 的 日 子 拍 遺 照 留 念


保 安 人 員 制 服 一 名 意 圖 打 尖 上 天 台 跳 樓 的 男 子 。


全 港 各 墳 場 總 共 收 到 逾 萬 宗 預 訂 , 有 負 責 人 表 示 會 推 出 「 買 二 送 一 」 及 套 票 服 務 , 吸 引 顧 客 。


現場已經擠滿市民及中外記者


把 鄰 近 的 中 環 街 市 誤 作 IFC 而 上 錯 樓 的 市 民 不 知 所 措


上 不 了 IFC 的 市 民 亦 嘗 試 別 開 生 面 的 方 式 了 結


一 名 準 備 前 往 ifc 的 網 友 , 在 家 中 拍 攝 遺 照 , 表 情 無 奈.


大 量 市 民 等 候 專 車 前 往 IFC。


往 中 環 方 向 渡 輪 班 次 如 常 , 有 關 方 面 會 考 慮 加 開 班 次 , 以 應 付 四 時 以 後 的 人 流 。


李 嘉 誠 對 大 量 市 民 跳 樓 以 致 影 響 樓 價 表 示 擔 憂。

新工


經過1st/2nd interview,今日3rd in最後都請左....
人工就高以前幾千,雖然係到左我求職信個價,不過心目中expect個價仲差一千,同埋份工係返5.5日,原本我係想搵5日工。

其實有認真想過,去唔去3rd in,不過最後都去左~
始終都明白世事豈會盡如人意。不過對我最大挑戰係份工返朝9晚6,同過我做同事既人都知我係遲到王,我自己都知有呢個問題。

近幾年,唔知係咪自己身體唔好,還是壓力真的很大,硬係訓極都唔夠,無論我訓6個鐘/8個鐘/10個鐘都好,一起身果下都會好累,好易訓返。
我上網search過,原來呢個可能係"失眠"或者睡眠質素唔好有關。
From 維基百科:
http://zh.wikipedia.org/wiki/%E5%A4%B1%E7%9C%A0
起床後有睏乏,頭腦不清,甚至有頭疼、頭暈等現象,而且持續時間較長,影響工作和生活的,在臨床上可診斷為失眠。
不過解決方法就係..我去鴨記買左4個鬧鐘+電話鬧鐘,每10分鐘就到下一個響,直到真係醒為止。

呢排放左兩個月假,Refresh下自己,諗左好多o野,又諗返好多中學時既o野。
同人傾返以前中學做過既"大事",參加過既YES校草/學校既歌唱比賽,呢o的面皮厚既人至會做既事,開始重新認識返自己,覺得自己已經唔可以再放膽去做一o的事。

亦同時意識到剛剛27歲的自己已經變左一個每日返工放工的人,唔通就是這樣直到老~"~?
咁樣既人生太沒意思,之後結婚生仔,供樓,養妻活兒,咁就半生,太唔甘心了。

自己肯定不如亦沒能力好像Larry Page咁搞到個Google,自己亦睇淡香港電腦業,更不希望自己花太多時間起呢o的野上。就算不用名成利就,如何讓自己不枉過20-30呢段人生已經要好好想一想。

最後我想到,我係要去多o的唔同地方,好想找到一個partner陪我去世界唔同既地方。
我都唔想30歲時,回頭一望,只得電腦/工作....
有時覺得就算今天掌握網上最新資訊,過多段時間後,又如何呢......
這個問題實在太禪同矛盾....
不過有時見到有些人一早已經完滿自己的目標,例如大學畢業/讀Master/周遊列國,羅馬,歐洲都去過時,還要說生活不滿足,真係很氣.\_/."

在Facebook找到初戀情人


Facebook實在強大~
呢幾日Add返好多舊同學!!!女同學有好多已經結左婚,見到同學仔Profile既相簿,個腦就諗起"10年前既佢",但係隻眼睇到張相就係"10年後既佢",果種感覺真係十個Good~

幾經辛苦,連續磨左幾個Facebook Group,竟然搵返初戀情人,仲記得15年前,起271巴士,寫紙仔問佢錫唔錫得咀仔。
不過當年佢就傷得我深,雖然時至今日,回頭想起都係得啖笑。

不過我仲想再搵返幾個讀書時既ex-gf,只係想睇下佢地變成點~
但係有兩個我唔記得佢地叫咩名...記得個姓,記得個名最尾個字,但係記唔起中間果個字.....
有一個當年佢要返Canada,起舊機場,我同佢喊到要生要死咁,呢個知全名同知學校名又反而搵極都搵唔到。

I'm not Michael Phelps,I'm Steve Parry!!!


呢段片幾搞笑~
北京人認錯左呢個外國人係菲比斯,無論呢個人點樣講都好,北京人都唔理(其實我相信唔係唔理,係佢地根本聽唔明),
最後拎埋菲比斯出街行。
仲上埋BBC同其他節目。

『千金易得,知音難求,感謝你看到最後。』. 由 Blogger 提供.