一個中年IT男@香港,得閒就寫下無聊嘢啦~

RSS訂閱

Translate this page

搜尋文章

精選文章

越南富國島遊記 2023 - Day 6 & 7 & 8 - 富國夜市 / 越南國粹村 / 富國大世界

Day 6 第三天吃「 KIẾN–XÂY 」的蝦滑魷魚湯米。 今天是旅程倒數第二天,原本計劃是去那個很出名的「 海星沙灘 」或者「 Sao Beach 」(又名白沙灘和牛奶沙灘) 但這兩個地方很偏僻,海星沙灘是在島的北方,車程一小時,而且幸好爬過文,雨季是沒有海星的,...

青衣IVE 收左我讀HD了


很開心呀~~因為自去IVE Interview完,不時上各大IVE討論區打聽情報,打俾IVE個呀Sir,佢都話有成千個年長生資格的人去爭電腦學系中的10%既年長生學位,雖然官方話8月3日至公告收生結果,但原來前幾日開始派通知信,岩岩落街Check,就給我驚喜了~

最後第一志願的多媒體及互聯網應用高級文憑取錄了!!!

希望自己可能順利完成學業,現在站在一個停滯不前的道路上,轉工,選擇不多,人工又沒能力叫高一點,學歷對我很重要,這兩年無論如何,犧牲娛樂時間都要讀好書,一定要拎到這個HD。

細說Street Fighter - 當年打Sheng Long (成龍?昇龍?)的秘密


前幾日見到Jacky Blog有講到Street Fighter本地漫畫一文,即時勾起我童年時的回憶,其實我而家見到Street Fighter 2,同聽到富豪雪糕車既音樂一樣,都會勾起童年時的玩意。

記得我應該在小學五年班(約1990年)的時候已經去機舖打機,當年去廟街的<順利>和<順強>機舖,荃灣就會去<國際>,記得有三間都是叫國際的,當年還有分成人場和兒童場~
或者去荃豐中心樓下間好像叫<668>還是<883>打機,當年還是要媽媽帶我去添~~
如果冇睇錯,現在廟街呢兩間機舖好似都仲起度~

其實SF2 起1991年推出時,當年莫講Internet仲未發達,連電腦都是天價玩意。
什麼是Windows,什麼是上網真是沒有人知。如果要知道遊戲資訊,相信都是看<世嘉一族>或<超任一族>甚至<兒童周刊>...
當年炒得熱鬧既SF1 & 2代傳聞如
  1. 一陽指
  2. 美國拳王果關,昇出條Key去非洲打象定唔知話打非洲土人
  3. 打司令10 Round Draw Game 打成龍
還有很多,相信有部份,我同你都曾經傻傻的去嘗試。

SF1比SF2更早出現<讓Round>,<鬥波>,<鬥升>,<單手chok波>都係出自SF1,而不是SF2。而到SF2出現的軍佬無影撻,黐身,印度佬隱形等等反而令SF2有另一種玩法。
要說起SF1代和2代的傳聞,現在想起都真是回味,因為我當年都是信到十足的。

SF1 傳聞 :
  1. 一陽指 - 傳聞出法係 以Z字型咁在JoyStick度798 => 5=>123 +拳咁出,一招即死。
  2. 打大象 - 打睇鋸佬果關 (即係Sagat呀),打打下會有象行出o黎,一腳踢死Tiger佬,跟住就打象....
  3. 打非洲人 - 傳聞嚮美國總統山(即係有5個人頭既山果關),在某位置使昇龍拳便有鑰匙跌出o黎...(起山度跌條鑰匙出o黎)...跟住就可以坐飛機去地圖上果棵"椰子樹"既非洲打土人....
  4. ps:當年傳得最"恆"就係呢個,好多人都話見過,仲講到似層層又話個土人會飛,仲會叫隻象出o黎咁話....
SF2 傳聞:
  1. 阿RYU個關有塊寫住風林火山的板,如果打爛佢,即時按重拳既話,可以拎塊木板拍人....
  2. 域加有鐵欄果關,傳聞用春麗唔知點樣跳,會跳左入欄同域加打。
其實記憶中仲有好多,我真係唔記得左,大家不妨留言講我知....

最後當然要提一提Sheng Long呢個角色喇!
事源起1992年,有一本叫Electronic Gaming Monthly既Game書,圖文並茂咁登左RYU對Sheng Long的報導,本來要人信真係難,因為當年報導係起4月,亦有人話係愚人節的笑話,但無奈Capcom本身設定亦有"Sheng Long"呢個名, 在打司令時,司令會彈左一句:("You must defeat Sheng Long to stand a chance." ) , 所以令到好多人都相信真係有呢個電腦角色. 而出現方法傳聞有兩個,第一係打司令時,10 Round Draw Game,第二係10 Round 內唔可以掂司令 (佢打到你,你擋左都唔得).....當年真係有人去試的~而果時好多人都話:(嘩~我打過呀,好勁架) /(我見過呀,仲好多人圍觀呀)

不但在香港試既人多,吹水話見過既人更多,起以訛傳訛之下, 起外國都好多人中招,所以EGM雜誌,不得澄清,只係開下玩笑. 而網絡上更有記載呢次事件. 起名為"EGM April Fool's Jokes" 亦有不少網站有記錄到現在.右圖就係當年起風波既雜誌頁喇!我搵左好耐,真係難得一見架~當年沒想過什麼是合成照吧~~

Pictureshenglongegmscan.jpg

直到SF3代, Sheng Long 風波再起,改圖品質上升,真係看似係真,但無奈地可能機迷一般都記得SF2既經驗,所以不是太多人相信.


到最後M.U.G.E.N亦完成大家多年o黎既心願,將Sheng Long呢個角力真實化.



而到最最最後Capcom終於都在Super Street Fighter 4,官方地加入這個人物了 - 剛拳

岩岩去完青衣IVE Interview完


岩岩去完青衣IVE Interview,由於我細個住青衣長亨村都有7,8年,所以搵就唔係好難搵,都係經美景花園行去。
不過今日真係超熱,成33度呀~

去到IVE門口,我原本仲諗住會有一個Reception既物體,或者起碼都有一個詢問處。
點知一上到去就見到塊地圖版同一個廁所....可能放左學,人影都唔多隻...
仲要熱到我全身都濕晒tim...

跟住見到一個著住工衣既大叔,我問佢詢問處起邊,佢又問返我咩學系,我話電腦,佢話唔知起邊,指住塊地圖板叫我自己睇...
跟住睇果塊版,知道電腦部門係起三樓,一路行樓梯上去,行行下我見就見到呀,不過佢又寫住咩教員室又校長室咁樣,咁以我傳統既中學學生思想,教員室係唔俾入架ma,緊係唔會推門喇...

沿途三層都唔見有人...跟住上埋四樓諗住睇下有冇人幫拖喇,見到一名樣兒娟好的女同學,我問佢知唔知電腦系係起邊上堂,佢一句就答唔知...

蕩下蕩下...再見到一個應該係IVE員工的女子,我再問佢,佢反問我係咪見工.....

我話:(唔係呀,我報左HD,有人叫我o黎Interview。)
咁佢都好好人呀,竟然推門帶我經過教員室(!?)....去返三樓....再去到一個詢問處...

轉個靚彎去到真正MIT既詢問處,叫我坐住等。

有一個叫張Sir既人In我,我自己雖然見工唔係真係太多,但係就唔會好怕Interview。

之前上網睇有人話咩小組討論方式去Interview,仲話要用英文介紹自己,都唔係既,都係單對單。

我準備左好多之前既作品,諗住當見工咁見,點知佢問都冇問過,睇都未睇過。
只係問我可以一星期返幾多日學,放工放幾點,講解我知個HD係讀乜,同埋了解我對Programming認識有幾深。

佢問我既野,我都冇咩大問題。 都叫做有講有笑,張Sir都幾好人架。
佢話我可能仲熟過佢(佢講笑架o者),成個過程20mins左右,跟住佢就急急腳咁走左去,連ByeBye我都冇機會講..

佢話叫我等一至兩星期...In完至三點幾,出左去油麻地Gamezone打機,見到母校-循道中學,真係好懷念讀書果時既日子。
亦回想返,當年既自己點都冇諗過,多年後既今日會有機會"咩"返個書包。
間中學靚左好多,亦好懷念以前經常跟同學仔偷偷地著校服落GameZone打機的日子。

當年我只有15,16歲,雖然每天都係袋住六,七十蚊,但真係好開心。其實好想返母校,但佢地未必會歡迎我呢個壞學生了。

不過順便起度提一提,等日後有意報IVE既人知道。
雖然IVE網頁上寫話如果一星期返 4日,最快可以兩年讀完,但原來唔係真係個個星期都返足4日,佢話可能兩日,可能三日,因為未真正開學其實仲未知道個日程係點咁話。要到真正開課,睇返個日程表至會知。

IVE Interview


下午三點幾收到青衣IVE既電話,叫我聽日去Interview。
搞到我臨時臨急要請半日假,好彩我公司老細好人ja,其實用得年長生報,都應該返緊工架喇...
要人地即日請第二日假去Interview,我問佢可唔可以改日期,佢話編好左,冇得改~

不過算喇~鬼叫自己想讀。

我報左呢兩個電腦HD :
  1. 45381 - HD in Multimedia and Internet Applications
  2. 45382 - HD in Interactive Multimedia and Animatronics

等待IVE公佈收生結果


等待8月6日的來臨,因為那天是IVE公佈收生的結果,我對入到IVE其實不抱很大其望,假如未被取錄的話,或者去科大CL3報Advanced Diploma。

其實我很清楚這張Advanced Diploma是什麼一回事,外間只是當一般Diploma看待,沒有什麼Advanced而言。

但始終比沒有的更好,我就快面臨廿五歲的年紀,是時候好好想一想自己的生活...

這樣下去,過多幾年我都只是原地踏步...

當然什麼Diploma放在我身上來說只是一豌豌仔翅放上幾條魚翅而已。

胸襲女生200 次青年毋須坐監


工作壓力 + 心理有問題就可以輕判,咁都得,個法官係咪傻架???胸襲200次wor !!!

節錄於2006年7月5日蘋果日報
【本 報 訊 】 專 以 手 撞 胸 襲 擊 女 生 , 過 去 一 年 犯 案 達 200 次 的 倉 務 員 , 早 前 承 認 三 項 非 禮 罪 , 律 師 求 情 時 指 , 被 告 性 格 內 向 , 因 妻 子 將 赴 外 國 留 學 , 不 懂 宣 洩 工 作 壓 力 才 犯 事 , 裁 判 官 考 慮 被 告 心 理 有 問 題 , 認 為 以 病 人 方 式 處 理 , 較 懲 罰 式 判 刑 恰 當 , 遂 輕 判 被 告 感 化 15 個 月 , 同 時 接 受 心 理 治 療 。

被 指 對 受 害 者 不 公
關 注 婦 女 性 暴 力 協 會 的 吳 惠 貞 認 為 判 刑 過 輕 , 會 對 社 會 產 生 錯 誤 訊 息 , 罪 犯 可 借 心 理 問 題 為 藉 口 而 獲 得 輕 判 , 對 同 類 罪 行 難 以 收 阻 嚇 及 警 惕 作 用 。
吳 惠 貞 續 稱 , 該 案 被 告 屬 持 續 性 犯 案 , 罪 行 嚴 重 , 對 女 性 極 不 尊 重 , 應 判 監 禁 刑 罰 ,而 法 庭 應 將 個 人 背 景 及 同 情 心 等 , 與 法 例 分 開 來 衡 量 , 否 則 對 受 害 者 不 公 平 。27 歲 被 告 田 文 鶴 , 倉 務 員 , 其 家 人 及 居 內 地 的 妻 子 昨 到 屯 門 裁 判 法 院 旁 聽 。 律 師 求 情 時 引 述 報 告 指 , 被 告 無 精 神 問 題 , 他 因 生 活 單 調 , 妻 子 將 往 外 國 讀 書 , 他 要 面 對 與 妻 子 分 開 的 感 情 問 題 及 工 作 壓 力 大 , 才 做 出 不 當 行 為 。
律 師 續 稱 , 被 告 獲 多 名 同 事 及 朋 友 寫 求 情 信 , 當 中 七 成 為 女 性 , 她 們 與 被 告 工 作 相 處 融 洽 , 對 他 觸 犯 本 案 感 驚 訝 , 盼 法 庭 可 輕 判 。

專 向 穿 校 服 者 埋 手
裁 判 官 判 案 時 表 示 , 被 告 專 侵 犯 穿 校 服 的 女 生 , 犯 案 手 法 雖 不 算 同 類 罪 行 般 嚴 重 , 但 是 蓄 意 及 有 計 劃 進 行 , 被 告 承 認 於 一 年 內 多 次 犯 案 , 曾 於 一 周 內 作 案 達 4 次 。 但 法 庭 考 慮 被 告 心 理 有 問 題 , 性 格 內 向 不 懂 紓 解 壓 力 , 認 為 他 需 要 心 理 輔 導 , 較 懲 罰 性
的 刑 罰 為 恰 當 , 故 判 他 接 受 感 化 。案 發 於 本 年 6 月 8 日 早 上 7 時 許 , 被 告 在 新 元 朗 中 心 商 場 二 樓 的 店 舖 外 , 非 禮 19 歲 受 害 女 生 , 在 兩 人 擦 身 而 過 之 際 , 以 手 碰 撞 其 胸 部 , 然 後 裝 作 若 無 其 事 離 去 。翌 日 早 上 , 被 告 在 同 一 商 場 , 再 侵 犯 該 名 女 生 , 當 他 稍 後 行 至 商 場 二 樓 大 堂 通 往 西 鐵 車 站 通 道 時 , 竟 重 施 故 技 , 非 禮 另 一 名 19 歲 女 生 , 然 後 逃 去 無 蹤 。 六 日 後 , 警 方 聯 同 女 事 主 在 案 發 現 場 搜 尋 , 將 被 告 拘 捕 。
案 件 編 號 : TMCC1978/06
『千金易得,知音難求,感謝你看到最後。』. 由 Blogger 提供.