一個中年IT男@香港,得閒就寫下無聊嘢啦~

RSS訂閱

Translate this page

搜尋文章

精選文章

越南富國島遊記 2023 - Day 6 & 7 & 8 - 富國夜市 / 越南國粹村 / 富國大世界

Day 6 第三天吃「 KIẾN–XÂY 」的蝦滑魷魚湯米。 今天是旅程倒數第二天,原本計劃是去那個很出名的「 海星沙灘 」或者「 Sao Beach 」(又名白沙灘和牛奶沙灘) 但這兩個地方很偏僻,海星沙灘是在島的北方,車程一小時,而且幸好爬過文,雨季是沒有海星的,...

準備PMP考試


由上年12月到現在,幾乎大部份時間都在忙PMP考試,
先後已經睇過三大本書 - PMBOK, Rita Exam Prep, Head First PMP

每本都約600頁,全英文,每次睇完都頭昏腦漲,直到今年4月至睇完幾本書。
還專程起了一個新Blog叫 JustPMP,方便我自己做筆記之用。
暫時內容好亂,Pass左之後至整理一下,唔合格就講乜都冇用。

由於我係自修,冇報讀任何PMP課程,所以又要報一些PMI認可的網上課程。
最後揀了WhizlabsPMP Exam Simulator,做800題MC,合格後就可以有43個PDU的考試資格。

其實PMP真的不用去報課程,考得PMP的人應該本身都有一定工作經驗,有一定的專案管理經驗。
不可能會不明白參考書講的道理。因為PDU而花錢花時間去上一些依書直說的堂,沒意思的。

完成Whizlabs之後,我拿到43PDU,就立即去Apply真正的考試。
5月10日上網報名,填一大堆資料,最繁複的就是填工作經驗和Project管理經驗。
幸好PMI 可以經由Linkedin Import資料,省回我不少功夫。
之後等等等,心急如焚,等到今天5月18日終於等到Email回覆通過Review。

立即網上俾考試費,最令我擔心的時候到了,就是我會不會要求被Audit呢?
PMP考証Audit是隨機的,其實正常提交証明文件一般都可以通過,但是實在很煩,
聽說要返舊公司拿工作証明的簽名,又要學歷証明,還要HardCopy寄去外國,總之就係煩。

好彩我一交錢之後,立即收到Email証明我唔洗Audit,可以立即上Prometric預約時間。

聽講香港的PMP考試地點是和GMAT/TOFEL Share同一個試場 (黃大仙考評局),所以難怪名額咁緊張,
我今天預約,最快都要7月22日至有位,而且都是早上9點的場次,但我想在下午1點那一場 (因為想有充足睡眠),
最後D-Day決定在8月5日下午一點,還有兩個多月時間,好讓我做Rita Fast TrackPMStudy

其實為左考PMP真係花左好多錢...
PMP參考書 約HKD$1500
Whizlabs 約HKD$1000
模擬考試(Rita/PMStudy) 約HKD$2000
PMI 考試費 HKD$4000

希望可以一Take Pass喇。(重考要再俾HKD$2000元的...)

Whizlabs的PMP Exam Simulator,完成後會俾張咁既圖我。


報名, 呆等一個星期:


速速磅水:


直接拿到PMI Eligibility ID,唔洗Audit:

石峽尾白田村商店


住左白田村,大大話話都十年了。
近來巴士總站的第十二座要清拆,連帶地下有幾間士多同餐廳都要結業,最唔捨得的就係兩間士多的橙色家貓。
平時我放工返屋企之前都要去摸下佢地。
仲有星期六日我都會幫襯的華園茶餐廳,唯一我覺得價錢平民而且質素唔太差。

一直都覺得這裡的公屋配套實在唔好,餐廳原本都係只得幾間,現在得返合記茶餐廳敍昇餐廳,前者星期日唔開。
而後者敍昇餐廳係十大垃圾茶餐廳之一,貴夾唔好食,仲貴過荔枝角既茶餐廳。,聽外賣電話既人態度差,理解能力又低,試過45分鐘都未等到個自取外賣。
雖然近來多左附近的新石峽尾村,但行斜路落去,再行斜路上去都幾辛苦。所以我寧願搭小巴落深水po食都唔會幫襯佢。

冇左間士多,下下要人幫襯大財團(百佳同7仔),好唔方便。

講左咁多,其實而家已經人去留空,上述幾個小店都已經結業。
冇左既野,唔止係幾間舖咁簡單,係冇左人情味。
現在整條村都死咕咕,不同冇法,香港政府而家仲邊會有人情味丫。

相關報導:
白田邨重建先斬後奏 房署被轟零咨詢
商戶擔心白田邨重建要搬到貴租新商場
白田邨辦館留守抗爭

Anyway,最後好彩早前我影左幾張相,當係留念一下喇。

『千金易得,知音難求,感謝你看到最後。』. 由 Blogger 提供.