2007年6月28日星期四

遲來的CPS3 Emulator ~Street Fighter 3.3可玩了~

CPS3模擬器終於由Nebula的作者完成~老實說,如果可以早4,5年出世,效果應該強烈很多..
CPS3是什麼~SF 3.3是什麼都不需介紹了~試了幾局很流暢,格數都是和現實一樣~
暫時只支援六隻遊戲(CPS3還有什麼遊戲?)

CPS3 Emulator Preview 2 Test version
官方網頁: http://nebula.emulatronia.com/
下載: http://nebula.emulatronia.com/downloadgw.php?get=cps3emulator.zip

2007年6月20日星期三

電子遊戲機 - <甲賀對伊賀> / <警匪大戰>

看到這些相片,很有感覺,曾幾何時,你和我都想擁有的東西,但看到這些的時候,感覺就好像是昨天的。
假如有機會,我會買回<甲賀對伊賀>和<警匪大戰>這兩部遊戲機。
還有任天堂的,可以雙打的電子遊戲機,記憶中其中一隻是玩拳擊的。
後期小學五六年班迷上的,就是龍珠的萬變卡。
小時候的我,家境不太好,想要的東西不是那麼易得到的呢。

2007年6月8日星期五

LB 亮碧思偷拍片段

其實呢個Post係我2007年6月8日時所寫,不過前日見到呢單(誘往財務公司 借款11萬買貨 涉傳銷受騙 19歲女申請破產)新聞,條女個樣睇落唔差,咁樣俾人呃真係慘。
而又有好多人起Google search "亮碧思"去左我呢個Post,所以我自己推返個post上o黎,再Update一下喇。

亮碧思(即係大家所講既LB)
呢間o野起呢十年(至少)害死唔少人,我親身都遇過兩個LB人,的確好恐怖,其中一個係我做高登時,隔離舖既一位Sales,佢不停吹噓自己已經買左車,又話自己做緊生意等等,佢唔會理你信唔信,總之佢就會日日同你講同一返差唔多既說話。

另一個係起網上認識的,女仔o黎,樣唔差,不過估計呢個女仔未必係亮碧思,因為當時佢約左我去尖沙咀傾,而唔係亮碧思所在地-銅鑼灣。聽講有一間叫易達時(Intesis)既傳銷係起尖沙咀。
不過硬係唔知點解香港仲有好多人中招。

不過錢銀上既損失係其次(雖然已經好甘),而係佢地LB呢間公司會摧毀你的尊嚴同靈魂。聽講好多入去做既人,如果心靈比較弱小的,其實已經俾人捉正要害,可以被洗左腦,失去理智,女性為左開張單,搞到出賣肉體都有所聞。

而佢公司內部,職位較高既係叫"伯爵"之類既名涵,又叫做"上線",做"下線"的,就要幫佢搵客,搵唔到就日日俾人鬧,還要在大眾面前不留情鬧。

所以如果你有朋友做傳銷,你打又好,鬧又好,一定要救返佢出o黎。

其實我始終都唔明白,澳門一早已經修例禁止傳銷,香港政府仲係戇鳩鳩咁。亮碧思起香港呃足10年有多,亦見過咁多次報,都係冇人理。

不過其實我都幾想試下上去,我都想睇下佢點樣幾個人拉住我唔俾我走,同埋點樣所謂既洗腦。

下面有人起LB內部偷拍既片。


另外仲有好多網可以參考下:
2009年06月06日蘋果日報 : 涉傳銷受騙  19歲女申請破產
2009年06月06日太陽報 : 19歲女墮傳銷陷阱 求職變破產
香港的幼稚條文VS澳門的反傳銷法
亮碧思- 香港網絡大典
亮碧思集團(香港)有限公司 -- DCHL(LB)資料大公開

14歲以下男仔強姦無罪

今日呢單新聞真係睇到我眼火爆 - 3惡少涉淫辱 13歲女生

原來起香港,只要你係14歲或以下,就算你衰左強姦,都只係判非禮罪。
(引用蘋果日報)
14歲以下男童不能控強姦
13歲惡少年涉嫌強姦女生,證據確鑿,他本人亦直認不諱,但最終僅被控非禮罪,令人大感奇怪,原來按現行法律, 14歲以下男童,已被假設為不能性交,故不能被控強姦罪。
根據法律權威典籍 Archbold Hong Kong,普通法有一項已成定律的假設,即 14歲以下男童不能進行性交,控方不能傳召證供,企圖反駁這項假設,但涉案男童仍可被裁定非禮罪成立,若在強姦案中擔當次要角色,亦難逃罪責。

2007年6月5日星期二

IVE考試完成,Year 1 Complete!!

有時唔係好明,我明明讀Programming,點解IVE會有一科係讀Supply Chain,而Supply Chain中又有PHP。
岩岩考試,都叫做OK喇,加埋功課分,應該可能順利升Year 2。

仲有一年~我既會考零分返身計劃就完成~
一個人去7-11左花生,同一支Diamond Black賀一賀~