2009年3月28日星期六

2009年3月25日星期三

我有我的海闊天空

Beyond的海闊天空其中一句歌詞 - "原 諒 我 這 一 生 不 羈 放 縱 愛 自 由"。正正就是現實的我,我唔知自己叫唔叫不羈,但係"放縱愛自由"就一定是。

無論小學中學,上Newsgroup,Forum都無視很多規限~到現在27歲,我依然是性格不改,在職場上一樣很"放縱",別人眼中,當然是有負面印象。同我共事過的同事,現實中認識我的人都經常聽到我一句話: ( 唉~間公司好悶,又冇女,唔想返工~ ),我想他們至少聽到不下數十次,我約三天便會講一次 :)。的確我就是這樣的人,環境因素的影響比職位,甚至人工高低更大,或者再過多幾年會不同,但至少直到目前都是這樣的性格。

2008年8月時Resign後,撞著金融海瀟,幸運地,當時只是九月尾,很多公司還有意請人,當時有三份工作可以選擇,最後選擇錯誤,揀了一份當員工是機械人的公司,當然中間發生很多不愉快事件,同時短短幾個月見到那公司炒了6,7個人,做了約4個月就冇做,應該是兩個月前的事。
再找工作,幸運地上個月尾,又有兩份工作可以選擇,這次選了一份職位比較高的工作,但做了20天後,明顯我再次玩輸這舖大細。

現在的公司實在太悶...我想有的工作環境,當然不是要有什麼女同事,當然只是說笑。
只是我覺得一天在公司的時間都有九個小時,返工的時間都是生活的一部份。

如果返一份工不開心或者根本當作是"用時間換工資"的話,那根本每天有九個小時是空白。
我一生人最終目的不是要大富大貴,而是盡量做到無悔就足夠,我不想過多幾年,回想起自己這段時間,為什麼是空白的。

現在的我就是這樣,公司約十人,多一點都沒有,除了另一個男同事差不多年紀,其他的都有40歲,全部都是男人,工作時不會談話,他們不會出外食Lunch,連在公司一起食飯時,都不會說話。

有部份更是基督徒,還記得前幾天,新聞說政府想再加煙稅時,他竟然激動地說最好加100%,我心裡即時閃出一句:( 洗唔洗咁激動?)
Lunch後有時我便會找Magic-Pro的舊同事吹水,或者一個人在荔枝角流浪.....日日如是.....當然我不是要他們逗我開心,只是跟他們有代溝,
但做Programming已經是一個非常沉悶的工作,如果工作環境都悶的話,是一種精神折磨。

當然這份工好的是,人工還算OK,而且不用OT.....但現在就開始掙扎,想找另一份工。原先是想捱到6月時Resign準備OU兩科考試,但現在工作真的頂不住.....

當然那時我是很高興的,坦白說,短短7年,由我20歲時一介高登腦場Sales,到22歲做Hardware Support,再到24時做Web,之後做P仔,再到現在找到工作是做AP當中我花了幾多時間在電腦上真的計不到,還未計前兩年由銅鑼灣去青衣IVE返學的日子。

在香港討論區的IT版,經常看到有人說要入行,我亦經常說香港做電腦要有"Skill Set","強"是沒有用。競爭能力除了學歷,經驗外,技術上就是不同的配搭下去迎合香港市場。

當然我知道香港有千千萬萬既我,不是每一次轉工都那麼好運,但我實在太了解自己,在多方面,我都是一頭野馬,如果我認為適合的,便會全力去做,不適合的,別想我花多一點時間。
所以想在暫時還未有什麼負擔的情況下,找到一間真正令我可以全力去工作的公司。

2009年3月24日星期二

中文大學逸夫書院BBA班友,簡直係香港之恥

轉貼高登: [垃圾] 中文大學逸夫書院BBA班友,簡直係香港之恥!
星期四係中大文化廣場有日本文化祭,好似有個日本領事黎演講
之後無lala有個BA soc 係度dem beat宣傳花草,之後有個女人(應該係領事D人)就行過去叫佢地收皮
咁佢地就好7咁收左la...但之後無耐又出黎嘈...
個女人又出黎想收佢地皮,但個班BA人無理照嘈....仲要自拍擺上facebook 話自己巧威威
呢D就係BA學生 ,一D尊重都無
我覺得佢地最傻既係,平日出盡奶力起U度又叫又嗌,選埋o的乜春校花校草之類既o野,其實即係幫人溝女,
到最尾食條女果個又唔係自己...我諗佢地返到屋企累到仆街,洞高個枕頭時,望住個天花板,心諗:(我做乜鳩?)
又唔識專重人,有時難怪出面睇唔起大學生。

2009年3月20日星期五

俾當奴笑死~艾粒DVD - 鏗鏘透視

有聽開903萬世巨星既人應該有興趣睇下~差唔多我每日返工最期待就係到4:00PM聽903萬世巨星~


仲有上集的,不過冇咁好笑。
艾粒DVD - 鏗鏘透視上

呢段開頭又係俾當奴搞到笑死。
I Love You Boyz 艾粒 GAGame show
http://www.youtube.com/watch?v=zQ4o2mRQZ5Y&feature=related

2009年3月14日星期六

讀OU就快一年了

話咁快就讀左OU 5個月~7月就Exam,其實都幾快~~打算7月份會辭職專心溫書,始終都唔想M359 Database那科有咩意外發生.....

不過Database的理論真係幾難~~要是過到7月的考試(兩科M359 Database和U234 Web Design合格),基本上已經進入直路了。

上載了兩科的功課PDF~有興趣就睇睇喇~

因為轉Server,檔案已刪除。有需要的話可留言問我拎。
M359. Relational Databases: Theory and Practice TMA2
Web Site Design TMA2

2009年3月10日星期二

5號仔匯控跌$10 低見$33

真係恐怖...原本$37收市,最後一分鐘又o黎終極一跌,跌到得$33...
真係戥之前$40-$50既人慘,低處未算低,好彩我忍到手,如果唔係而家就慘,其實上網睇,好多人都等到供股價$28至入貨。不過到真正$28時,夠唔夠膽入又係一個問題,返到o黎睇到有線段片,連菁姐都忍唔住輸到喊...
真係諗緊上年年頭$120時搾到而家得返$33既人心情係點...

其實香港唔需要賭場,本身股市已經係最大既國際賭場,由20到80都有人炒股...
競價時段已經表現到香港真係國際賭場,不過今日都好經典,Cap定圖先~

其實呢排成日講供股供股,可能有人未知什麼是供股,我自己都一知半解,上網睇左o的資料,轉貼一下。

供股:
一間公司要集資(你可以當係Cap水),可以選擇加印新股,而哩d新股股價都會較現有價低少少(所以點解5號仔開$28供股價)
如果買既人只可以係現有股東,咁就叫做供股

例如一間公司原本有1萬股 每股市價10蚊
佢加印新股,當印多1萬,咁即係每一個share holder可以以一比一既比例買新股
例如我原本有一股=只可以買多一股 ; 有十股 = 可以買十股咁

當然你係可以選擇唔供股,不過如果其他人買而你唔買既話,你既percentage ownership會下跌
即係本身我有一股 比例係1/1萬,不過我唔買既話會變左大約1/2萬(因為都有其他人唔買, 所以total share outstanding可能唔夠2萬)

亦因此相得既股份利益可能會少左,而因為供股既股價係低過現價,某程度上,假如市值$10既股票,你用$5就可以買到咁解。
但係匯控呢次俾人質到現價去供股價時,代表o的乜,動機係乜就要問經濟勁人lu~~

Youtube 匯控跌到$33...菁姐嚇到喊 - 20090309 財經資訊台《交易所直播室》:
http://www.youtube.com/watch?v=OwFr_Dnkvcc

2009年3月6日星期五

兩個壞消息 + 一個好消息

真係好耐好耐冇打Blog,其實上星期都有update過一次,不過而家變左冇,原因就係其中一個壞消息。

之前轉左一間國外VPS Server,平就真係好平,HKD$208蚊包80GB HDD同1GB Ram仲要行Win Server 2008,但係就一個月內死兩次,岩岩呢一次真係Raid-1都死埋,要Restore Backup返去2月12日,其實我真係唔知點解RAID-1都會死晒兩隻HDD,我懷疑係根本冇Raid-1....好彩損失唔嚴重,咁岩我真係呢個時都係打左一次Blog文。同埋少少試驗性質的Web App....
不過好邪,之前冇左既其中一個Post係話我猜節目出現恐怖女鬼,點知果日就死Server...

另一個壞消息就係今日返左新工第一日至有之前Apply既公司打電話叫我Interview,上次又係咁,第一日返工,打o黎叫我In已經太遲,就算真係想去In,都好難返工唔夠一個月就請假去Interview...
打俾我條友仲串咀咁話: (恭喜晒喎,咁既市道都咁快有Offer. )
我心諗: (下~我send resume俾你10日有多喇。 )

最後好消息就如上所講,抗海嘯搵到份新工,人工一樣,但個Title靚仔左~叫Web Analysis Programmer (多左個Web!?)
地方近左,返荔枝角,但返工時間變左朝九晚六,但5.5 Days T_T...不過annual leave有12日,但係最重要既係做既o野容易左,純ASP.NET 2.0 + VB 2005 + MSSQL ,想多o的都冇...亦冇C# Port既o野~返工時間可以彈性30mins,老細話佢唔介意你遲30分鐘,但係放工一定要補返你遲既30分鐘。

不過公司就似乎唔俾上MSN或者上任何私人網...原因係老細話其實對雙方都公平,佢唔鐘意人OT,亦唔想因為開OT平時就拖慢o的野做,所以就唔俾人上MSN T_T

BTW,呢個月搵工搵左都有幾個星期,其實個市係差,火上加油既係曾俊華條友話大學生Fresh Grad可以值HKD$4000。
搞到我都急急腳5月前搵工,因為大學6月就會有Fresh Grad,如果Fresh大學生真係連8,9K都接受,拎住張HD真係好難同佢地爭,至少Jobs Ad要求寫Degree已經唔知Send唔Send信好喇。