OU Master開課了
估不到4年後我會再寫呢個Category - 「從會考零分到大學畢業」既Post，正所謂「Never Say Never」，自己口裡說出過很多次IT這行業不用Master，若要進修都讀PMP / CISSP / CISA。
幾年後我的確去考PMP，但考完過後，又突然心裡傳來一把聲音跟自己說「是時候了」。
還好也不算「今日的我打倒昨日的我」，的確我依然同意做IT行業，花HKD$ 10,0000 讀個Master回報率很低。
我讀Master的原因都是想
不求有什麼回報了，只是當作是自己一生人的歷史使命。
身邊的人第一個反應都是 - ( 吓? 點解唔讀返Poly/City ? )
其實我都冇咁好氣解釋完再解釋。
還是那一句，總有人認為Samsung電話比LG電話好一樣。
上一篇Blog文都有講過「OU認受性」的問題，和我點解最後還是決定讀OU。
點都好，我上個月4月中時以逾期註冊的形式去報名 (因OU 4月的Sem已經開始了)，約三個星期後就收到入學通知，用之前讀Degree時的學生帳號登入到OLE，今天就去觀塘開源道拿教材。
無論MyOUHK / OLE / Email平台跟4年前一樣，沒有什麼大轉變。
基本上都可以立即上手，趕上進度。
我讀的Master是叫MSCITIA 「Master of Science in Information Technology with Internet Applications 」，名字很長...
60 Credit，一科=10 Credit = 2個Sem ( 1年 )
快則都要至少三年畢業，但我暫時沒有想過同時雙修，甚至三修科目 (意指同時兼讀兩三科)，所以慢則可以長達6年後才畢業。
視乎未來工作生活環境而定喇，就如上一個Post所講，總要有個開始，再磨蹭下去，就怕更難下定決心。
第一科小試牛刀，報了很簡單的科目 - Web Server Technology ( COMP S834 )
還是那一句 : (沒什麼難度喇~~)
不過自信還自信，都要認真去讀就肯定的。
希望有一日我可以把這一個Category更名做「從會考零分到碩士畢業」。
我都係會考一分，在公開大學修讀學士，現在在公開大學修讀中國商業法法律碩士
回覆刪除大家共勉之！一起証明的OU DL生都是努力的人。
刪除我都想報依個碩士，睇左好奈，但唔知點安排科開始好，想問師兄可否詳細講講如果想安全一點畢業，除左努力D外，三年內可以點安排D科黎讀呢，同埋有咩科唔好簡呢? 知道佢今年無再開S838了 (本人數學同PROGRAM本身都麻麻，見笑了)
回覆刪除唔計S838呢科(因為已經停辦)，假設你已經約十年相關經驗，我覺得第一科最好S834或S801呢兩科，完全無難度。
刪除其次應該係S811或B870，屬中級難度。
S811我讀緊，好重視Java Programming。
最難肯定係S888，至於B892聽講需要做Group Project，我自己怕麻煩所以冇Take呢科。
MSCITIA起Technical上，讀既野仲簡單過日常工作做既野。
其實冇咩話（有咩科唔好簡），本來已經係7科中揀6科，選擇不多。
只係讀理論上既野覺得難o的，但如果你係IT背景，真係唔怕畢唔到業wor
我都係普通I.T SUPPORT 仔，以前讀書唔好，又點會搵到咩高技術工呢....看來最怕真係S888，無睇錯既，想問其實只係可以唔簡一科，咁你是否簡左S888 就無簡B892?
刪除我冇揀到B892, S888就前排讀完
刪除其實返而可能你需要擔心S811, 如果真係冇program底，建議你讀S801,S811前，打下底好。始終呢個都係master，佢assume你degree時已經讀左一兩年JAVA
達Ming師兄您好，
刪除在看過您的blog後很有同感，因為小弟的際遇機乎同師兄您一樣，現年31歲，當年中五畢業後搵到份全職programmer工，之後就一邊工作以distinct learning形式補讀左個OU IT degree ，Full-time做野及Part-time讀書真係好充實，時間很見洗，也覺得OU可以學到好多野，而且很適合我這些 "單打獨鬥" 的人，所以幾年後打算再進修時都揀返OU，完全沒有考慮過CityU或PolyU，最後也在OU以distinct learning完成了master。
和師兄上一篇 "男人三十三崩潰" 一樣，當初選擇讀master時也是IT與MBA二選一，不同的是，小弟最後揀了MBA，MBA對於technical人黎講真係好難，但讀完後眼界大開，連會計都學埋，可以同accounting既人對到咀。好奇一問為什麼師兄最後揀了MSCITIA而不是MBA?
另一樣覺得很有同感的，是發覺過了三十後真的什麼也很急，由2X升上3X，好像要突然變大個，性格要成熟，交際要成熟，講野要到point，工作要有成就.... 無奈我好似真係咩都未有... 雖然有超過10年development經驗，主力也是找System Analyst工作，但無奈近幾年都是在SA與SAP之間浮浮沉沉，苦不堪言。師兄會否建議我也要考一張PMP?
我讀MBA時也有選修B892，TMA算幾易做，沒有考試，IT及Business的內容比例大約是3比7，有Technical底對於做group project是有幫助的，因為是分析一間公司的IT系統如何幫助公司的業務；group project通常3人一組，可以用講東話present，B892算係我整個MBA生涯之中最容易的一科，希望呢D資料可以幫到您。
@kit
刪除當時我報Master時，我依然想以興趣為先，始終到而家咁既歲數(35)，都明白一張沙紙，代表唔到o的咩，即使係MBA。
其實好多人讀Master，相信只得一個原因就想藉張Cert事業更上一步，但我相信效果未必係預期之大，如果返去十幾年前，MBA就如MCSE一樣值錢，亦有說有MBA就做CEO咁話，但而家就唔見得係。
其實香港地，所謂管理階層都離不開乜乜Director果層，Manager都未算得上係，學到MBA理論，但又真係要熟果個行業至得。
起一間要話得事，起果度冇做返3,5年都冇乜可能。
如果你問我點解當初有MBA唔讀去讀返MSCITIA，除左MBA起我心目中個含金量已經不大既同時，其次係我純粹只係想了結一個心願完成個Master咁解，無論個Master係讀咩都好，我都唔會預計呢個學位會幫到我事業。
同樣道理，讀PMP一樣，讀黎學下專案管理學既知識就好既，但真係想拎住張PMP去做Project Manager就唔多Work，就算間公司真係請，都真係要自己係果隻人至得。
香港地做PM，真係好雜，似presale又有，似consultant又有，自己寫埋code都有，日日開會得個吹字養懶人又有。
呢幾年我拎住張PMP去見工，HR影印完就放埋一邊，都唔會當係咩一回事。
至於你話(在SA與SAP之間浮浮沉沉)，其實只要有日睇化左呢個虛名就冇野架la。
大多數IT人都會認為Programmer出身，條路應該都係P>AP>SA>PM/ITM (當中再夾雜Assistant/Senior等等等等)
我以前都係咁諗，但而家睇野闊左就唔係咁諗。
事實上好多人Technical好勁，但佢真係唔岩做Manage人或者對街對客，甚至自己公司既人，呢個唔代表佢能力唔夠，只係人無十全十美，而且SA人工亦未必比Manager低，呢個好睇公司，40K SA我見過，22K Manager都見過。 其實在"靚Title"個階段，我諗個個人都經歷過，我都係，但過去左，而家我會想有份，人工唔差，工作時間合理，工作開心就OK。
有時唔止做IT，其他行業都係，順其自然，到有日你自覺你真係有能力接受挑戰時，你自不然會去試，定個時間俾自己幾多歲要做咩位，要賺幾多錢，盞自己辛苦。
當然做得IT，時不時都要裝備自己就實冇死。
@kit 再講多幾句，假如你上discuss/hkgolden問人，相信都會有人同我一樣諗法係，既然你MBA畢業，反而更加應該試下其他方面發展，例如Marketing等等，你做左十年IT都知道香港IT玩法好死板。Web而家已經唔興，頂多都係Internal System，或者搞下Frond end，外國興左好耐既node.js / django / ROR / react.js果o的，香港有排都未到。手機App都由班後生去做，假設你做開PHP/J2EE既，應該會感受進退兩難。 玩Big Data，香港好多公司本身連data warehouse/OLAP概念都冇，一黎就話big data，最後只係一個幾百GB既DB行SQL出report....你31歲，還有時間放手一搏，做唔掂，最多做返IT。 其實我早年已經轉左做Digital Marketing，搞Data Integration果類工，我自己都好耐冇掂Visual Studio。 Anyway, 相信你get到我意思。
刪除