2013年2月2日星期六

[轉]一張相, 見證時代正在進步, 香港人生活卻在退步


上圖為80年代屯門市鎮公園
下圖為現在屯門市鎮公園

在以前既屯門市鎮公園散步, 比人覺得係開揚擴闊, 心擴神怡
可以有船仔玩, weekend有好多人去湖邊放遙控船, 你甚至可以行落水邊睇鴨仔
背後係新發村, 好多冇乜錢既家庭長大街童會去波地踢波, 窮都可以好開心

而家既屯門市鎮公園, 冇晒船仔, 周圍都係柵, 驚死你會跌落水, 行公園好似行監倉
冇晒鴨仔, 冇晒遙控船, 換來係一堆又一堆既北嫂歌舞團, 開晒speaker跳舞賺利事
新發村已拆, 換來既係千幾萬一層既豪住宅

時代正在進步, 香港人生活卻在退步, 生活空間少得可憐
原文 : http://forum3.hkgolden.com/view.aspx?type=TR&message=4230242
---
我工作的地方對面就是九龍公園,若你近幾年有去過,你會發現很多石級都上不到去。
十多年前,中學時我在九龍公園玩時,我可以行上很高的石級,坐下來跟同學傾計。

現在政府管理的公園,圍欄多了,管理員都多了,什麼都不行。

這些圍欄是因為要保護大人嗎? 我相信不是。

有時我覺得現在的大人對小朋友過份保護。
現在行過兒童遊樂場,就拿千秋來說,似紙尿片般包著下半身。
滑梯,高一點都不行。

我們小時候玩這些都很有技術,盪千秋盪到7,8呎高都不怕。
滑梯,15呎高都是這樣爬上去。

現在的小朋友實在過份保護,這要歸咎於香港的怪獸家長,有事沒事都要投訴。
我很興辛自己生於80年代,試過現在禁止的煲蠟,上過山捉金絲貓的野外生活,夏天會熱到蛋都熟的鐵板滑梯。

1 則留言:

  1. 時間的推移也不代表人類就會進步,有時還不如昔日。

    回覆刪除