黃大仙有個傻佬話我跟蹤佢
今晚真係唔好彩，去完黃大仙龍翔廣場工作完之後，諗住都收工返屋企，出到門口，無喇喇有個男人指住我大爆粗口叫我唔好走，話我做乜跟蹤佢。
話我琴日由紅磡跟蹤到佢而家，中間夾雜海量粗口。
一開始我有嘗試直行直過，但佢跟住我係咁屌。
咁我都停低嘗試同佢講道理，講講下唔對路，原來佢係傻既，但傻既佢又識打999報警。
佢報警話拉我，同999講話起A出口，我反正放左工，就同佢玩下。
等左幾分鐘，一個警衛話呢度係B2出口，咁呢次唔係佢報警，係我留返全名+電話去報警，我打返上999話係B2出口。
食住煙等左5分鐘差人到，我去掉煙頭，條友以為我想走，佢有所動作，越行越埋，但無奈佢秤埋都冇120磅，仲要矮我半個頭。
我都好客氣同佢講:(你唔好諗住郁手呀，我驚我打死你呀，你諗清楚呀!)。
5個差人，一個仲要白色衫既大Sir。
o黎到例牌身份証，住址，分開我地問下咩事。
我果時咁岩拎住一袋電腦Parts，差人都懷疑過下係咪什麼偷拍跟蹤器材，
用電筒照下，我同差人講:(任達華套跟蹤都唔會拎住大大件偷拍器材做o野喇~同埋我跟個男人做乜?跟個女人就話o者~)
呀Sir都笑而不語。
再問下我琴日去左邊，今日又去左邊咁。
最後差人都明白，條友係傻既，但放左佢走。
叫我都唔好追究，就咁算，但呢個傻佬已經浪費左我一個鐘時間。
同呀Sir閒談左幾十秒，我話呢條友仲有排玩，要認住佢，如果換著係女仔或者其他人真係會俾佢嚇親。
因為一開始呢條友好有紋有路，仲好大聲好粗口。
不過今日5位警察真係幾好人，起碼冇當我犯咁盤問。
可能平時睇報紙，警察負面消息太多喇，但當中都有好人。
0 comments:
發佈留言