一個中年IT男@香港,得閒就寫下無聊嘢啦~

RSS訂閱

Translate this page

搜尋文章

精選文章

越南富國島遊記 2023 - Day 6 & 7 & 8 - 富國夜市 / 越南國粹村 / 富國大世界

Day 6 第三天吃「 KIẾN–XÂY 」的蝦滑魷魚湯米。 今天是旅程倒數第二天,原本計劃是去那個很出名的「 海星沙灘 」或者「 Sao Beach 」(又名白沙灘和牛奶沙灘) 但這兩個地方很偏僻,海星沙灘是在島的北方,車程一小時,而且幸好爬過文,雨季是沒有海星的,...

淘寶網+淘點集運


其實我個人好怕出街買衫,因為我個身型是要買歐洲Size的X Size至XL Size,但無奈香港好多Tee既店舖都係賣亞洲Size ,例如窮人救星的Uniqlo已經係。
上年有時都會去Yahoo拍賣場買訂一o的Stussy Tee或者無牌子既Print Tee著,但而家香港Yahoo好明顯已經冇o左好多呢類賣Print Tee既賣家。
原因相信係香港人自己都識上淘寶網買,不過我一直冇用淘寶係因為運送問題,例如我一個人住,家中沒人代領,而一些物流公司的自取收件地址又起偏僻地方,所以一直都係聽朋友講話淘寶裡的貨物平靚正,自己還未試過。

不過近期我上網見到香港的淘點網站於8月時開始o左一個叫集運的服務。
所謂集運服務就係解決我以上的收件問題。

集運服務流程:
(1) 於淘寶網購物後,寄件地址寫這裡所示的,意義在於叫賣家寄去淘點網的深圳大本營 。
(2) 你可以同時跟幾個不同賣家買貨,與(1)一樣都是全部寄去大本營。
(3) 賣家會給你寄件編號,可以在淘寶網的物流訊息內搵到,要留意運送狀態,如果已出現<签收,签收人是华强已签收
> (簽收人名稱有可能是其他人),呢個時候就上淘點網站確認寄件,或者你可以合併幾個貨件,一次過運送到香港。
(4) 用支付寶俾錢淘點網站後,就等貨物由深圳送至香港。
(5) 貨物到達香港後,會有專人打電話叫你取件。

過程其實好簡單,最複雜的都是充值支付寶,和每日要Mon住送件情況,一到達深圳大本營就要上淘點確認手續。

其實如果唔怕貴少少,可以去OK便利店充值支付寶,因為付淘點網站的運費是需要用支付寶或者銀行過數,當然用支付寶方便很多喇。
其實上網購物都是想方便,而且都係可能每次買千元樓下的貨物,我見有o的人又話要開大陸銀行戶口,又要去順豐門市取件,最後搞到出街買都冇咁煩。

今日終於上金雞廣場拎左幾件Tee,$68一件,買左三件,質素都唔錯呀,起碼唔會好似Uniqlo咁,o的料薄過報紙,著上身好似用廁紙卷住自己咁。

貼幾條Link 俾大家睇下,我都係由零開始跟住呢兩條Link去做 :
淘寶網香港用戶FAQ : http://www.tmall.com/go/act/sale/xghy.php
[淘點。集運。教學] 實戰步驟 : http://vyvy.hkbeautybloggers.com/2010/10/08/2190

5 則留言:

『千金易得,知音難求,感謝你看到最後。』. 由 Blogger 提供.