2008年10月11日星期六

強積金蝕左我幾萬銀

以前就話[有強姦,冇焗賭],政府搞個MPF,話就話幫人儲蓄,安享晚年,拎晒全香港打工仔既錢,去養班基金佬,拎晒o的錢去所謂投資,咁樣迫人投資法,同焗賭有乜分別?
安享晚年係佢地o的基金經紀,唔係我地。

MPF最終目的就係唔想再有咁多人問政府拎錢(如綜緩),減少開支。
但係Manulife由年初到9月,我50% 保本/50%高風險,其實自2001年我開始打工要供MPF至今,已經蝕左我三萬幾銀(看下圖),我自己買股票都冇蝕得咁勁,究竟o的錢投資左去邊???
我9月時,雷曼未執已經轉晒100%保本,如果唔係我估蝕夠8成都仲得。

呢幾日,原來對政府,夠惡夠多人一樣得,雷曼班人白紙黑字簽晒紙蝕左都話要拎返十成本金,MPF係大部份香港人都蝕,就算保本都蝕,但係就唔明點解冇人話遊行。我覺得MPF蝕到咁,仲慘過自己拎去賭,政府至要包底。

最慘係,你做得越耐,MPF果舊錢就越大,蝕既話自然就越多,當然賺都係越多,但係其實好多人都唔係話要必賺,直頭就唔想供。

就算搵工都有影響喇,明明我自己本身想搵萬六一個月, 就係因為要預埋要供MPF,要搵萬七,咁起老細角度,佢又要出一份,支出高左,到我手既人工自然又低o的。

3 則留言:

  1. 呢個時勢, 萬6,7 都幾難搵

    回覆刪除
  2. 明明係3千

    邊度3萬?

    回覆刪除
  3. Re: KaKa
    我有manulife有兩個Account, 2304頭果個係新工既供款, 呢個蝕$3442,你睇埋90000頭果個,呢個冇左$28640

    回覆刪除