2008年7月26日星期六

麥當勞

前排深水步有人用$8000買包派街坊抗議麥當勞員工態度唔好,我覺得麥當勞員工就好慘,時薪得果廿幾蚊,就要服侍呢班土皇帝。

我都係住深水步區,但我都覺得呢區既人係好離譜。
自從麥當勞24小時營業後,就有一班毒男日日夜夜買一杯o野飲,拎部PSP出o黎屠龍,玩Monster Hunter。
人地真係有需要座位食o野,就俾呢班人搞到冇位食,有時仲要開到最大聲打PSP果下至煩人。

夜晚起長沙灣天悅廣場間M記都係,有好多呀伯起度訓覺,坐低左,就霸住o的位。
最慘係佢地唔知係乞兒唔沖涼定點,個身一陣臭味。
有時我覺得M記員工好慘,人工又唔係高,o的呀伯仲野蠻過土人,你趕佢地走,你搬晒全家出o黎俾佢問候都唔夠。

何文田廣場果間仲離譜~話說前排我去OU時,下午上去果間M記休息下,點知我見到果度有o的人踢對拖,起隔離果間粉麵檔買兜牛腩河拎入M記食。

但係M記員工逗果少少人工,又可以點???

有時傳媒唔好單方面報導,上次用$8000買包派街坊條友,絕對唔係英雄,只係一頭助紂為虐既野蠻人。
我相信住深水步區,或者天水圍果區既人會有我同一個感想。

如果下下因為佢係呀公呀婆,俾佢恃老賣恃,油麻地咁仲洗乜有梁顯利社區中心,一有酷熱警告或者寒冷警告,趕晒班呀公呀婆去老麥咪搞掂囉。
而且我覺得香港o的呀公呀婆仲強壯過我,派平安米天都未光已經去排隊,日晒雨淋都未想過放棄。
所以你話佢地有時行行下話要去麥當勞坐下休息就多餘,要休息係去公園,唔係麥當勞。

1 則留言:

  1. 平生最hate 就係毒男,尤其是打機打到好大聲0個隻。所以有時都唔知下一代會係點。正如英國晚晚都有街童做反社會行為一樣。

    回覆刪除